.∞ღ.｡公告｡.ღ∞.
¨•.❤要常來看我呀~ 別忘記給我留言喔！❤.•¨
目前分類：❤ Eating & Drinking (193)
- Oct 27 Mon 2008 06:44
《Bonne Maman》
- Jun 18 Wed 2008 22:06
《Dap》restaurant
尋晚去咗紅館睇裝修前嘅最後一個演唱會---陳慧琳Love Fighters演唱會08，睇後感係佢好掂，聲線加舞蹈都唔錯，係一個實力派女歌手，而表演嘉賓亦同樣係好有實力嘅男歌手李克勤，不過好意外嘅係Kelly’s boyfriend竟然同我哋坐同一邊，而Kelly’s grandmother就坐我哋嘅對面‧
入番正題喇，就係去睇演唱會之前我哋因為太大雨所以決定食咗dinner先，左諗右諗之後去咗一間叫〝dap〞嘅restaurant喥食，其實平日經過都話去食，之但係每次都因為要去第二喥而齊talk，終於喺尋晚就去得成囉，呵呵 ~ ~ ~ 我哋一出lift見到嘅全部都係黑色油木加鏡嘅裝潢，燈光暗淡，有個待應喺入面走出嚟帶路，當我哋入到去嘅時候，我立即嘩然，真係好靚呀！一張張特大嘅梳發橙好整齊咁放喺喥，橙上面有兩至四個嘅cushion喺喥，見到就昏昏欲睡喇，而樓頂就掛咗幾棧水晶燈，整體感覺就係好維也納式，如果著埋loita style嘅衫就襯絕啦，另外佢哋啲嘢食都唔錯，而我最鐘意就係佢哋嘅湯喇，落足料，超好味，至於價錢大約一個set dinner三佰幾蚊喇‧
- Dec 31 Mon 2007 21:47
Count down of New Year's Eve
除夕同班舊同事去咗白石喥count down，我哋買咗好多嘢食去燒烤，仲有買咗好多好多花炮去玩，原來花炮越長越過穩，因為我攞咗最長嗰支，但係當我發射出去嘅同時我都被反彈向後退咗一步，勁！不過講開勁，我覺得除夕嘅夜晚勁凍呀，我個friend俾咗佢件風褸我著，不過啲風吹埋嚟真係寒到不得了，我哋幾個女仔都係唔願離開個燒烤爐，到咗走嘅時候大家先發現原來剩咗好多好多食物，嗰啲食物仲足夠八個人再去燒多次‧
- Dec 27 Thu 2007 21:12
Christmas dinner
25號嗰日跟咗我個friend去佢朋友屋企食dinner，桌上佳餚非常豐富，Christmas當然唔少得火雞啦〈喺台灣見到啲火雞個樣好靘，不過食落口又唔係我想像中咁滑，但係我個friend話已經比出面食嗰啲好味好多架喎！〉生蠔啦〈好多款唔同地方嘅生蠔，正！〉蟹啦〈亦都有好多款未食過嘅蟹，嗰啲膏呢...多到令人興奮〉noodle啦，菇啦，湯啦......不過我最like就係隻菇&羅宋湯，超級好味！dinner期間主人家仲開咗兩支紅酒&白酒潻，好彩自己都飲得少少酒，如果唔係就錯失咗一支好好味嘅白酒啦！飯後仲有朱古力做甜品呀，食完之後個肚好似有咗三個月咁，就係因為個個都好飽，所以我哋決定步行去碼頭，雖然係夜晚，不過我哋經過海灘都可以見到對面嘅迪士尼樂園，抬頭仲可以見到好耀眼嘅月亮同埋星星，真係好靚呀，我好耐都冇見過咁靘嘅天空啦，細細過整日見就冇咩感覺，不過人大咗之後見得少就好恨睇啦！
- Dec 10 Mon 2007 07:47
進入異國？
尋晚同班friends約咗去食dinner，左選右選終於決定去食咖哩，開頭好驚自己食唔到辣嘢，之後我個friend話應該唔辣嘅，咁就算啦！都係去啦，因為都諗唔到仲有咩地方好食喇！我哋去咗重慶大廈入面一間叫〝咖哩王〞嘅食店，其實我整日都聽人講話重慶大廈好雜，直到尋晚終於可以一睹佢嘅面貌，我出咗地鐵站有耐就搵到間大廈啦，原來我整日都經過個喥嘅，但係每次都覺得門口好鬼多人企喺喥，再唔係就走嚟同你唔知講啲咩，所以一直都冇留意嗰喥就係重慶大廈，如果唔係要食飯，我跟本唔會走入去‧我企喺門口喥打電話俾我啲friends話我到咗啦，佢哋唔知點解好鬼緊張咁話不如搵人落嚟接你啦，已經講咗好多次架啦！但係我又覺得祗係一*大廈喱，冇理由自己搵唔到嘅，況且我都應該獨立吓，免得身邊每個人都當我係細路女嘛！我問完邊一座同幾多樓之後就開始搵啦，嘩！一步一驚心呀！原來呢個時候我先發現喺我身邊嘅全部都係黑人同阿叉，佢哋高過我好多，如果要喺人群入面搵我都可能係一件難事，突然見到有好幾個差人係出面走入嚟，身邊嘅阿叉不停咁講嘢，睇佢哋個樣好似係有人發生爭執之類咁啦！跟住我又繼續搵啦，我見到好厲害喎，每個電梯大堂都超多人企喺喥等，個電梯載走咗一批人之後，唔知幾時後面又嚟咗一群人，嗰條人龍好似排極都係咁長，不過我一路行一路好多人跟住我，佢哋不停咁同我講嘢，我行得快佢哋仲跟得怏過我，有啲人喺我面前不停咁sales嘢，有啲我又聽唔明佢講咩，唉！左望右望，點解？點解連一個指示牌都冇嘅，唔理啦，繼續向前行啦，依？前面係*頭路？再行近啲，喔！唔使擔心仲有得轉彎，不過係兩條分叉路嚟，死啦！向左走定係向加走好呢？諗咗一陣，都係向右走先啦，搵唔到先行番轉頭啦，哈哈！天助我也，終於搵到嗰座嘢啦，咁我就去等電梯喇，等咗好耐部電梯先由上面落到嚟，點不知當我一行入電梯就〝BB〞響，我望吓電梯入面係一個肥人都冇架喎，而且個電梯仲有空位可以入到兩三個人潻，激死我喇，點搞架？我又要再等過，之後我終於到達目的地，好 ~ 好 ~ 多人喺門口等入席呀，我要*起腳尖，我個friend先至睇到我，呵呵！其實我喺人群嘅隙縫喥已經見到佢啦！至於嗰間食店係一個商業單位嚟，所以有好多間房，不過我所經過嘅房間都有食客，查實佢哋生意應該唔錯，有啲食客會好似我哋咁先打電話預妁嘅，其實喺嗰喥坐就真係唔太舒服，因為好窄，但係啲咖哩就真係好好味囉，我哋尋晚都食咗兩轉先走，主要係啲咖哩唔太辣而且又好香喎，一行六個人食完飽飽之後再行去佐敦嘅〝湯丸王〞食糖水，我個friend話嗰喥啲糖水好好味，聽到話有好嘢食，我哋個個都話去啦！喺嗰喥我個friend話清心丸同湯丸都唔錯嘅，但我又覺得湯丸喥喥都有得食，而且清心丸個名又幾得意喎，又唔知係咩樣，咁我就決定咗要清心丸啦，嗯......都係另一樣好好味嘅甜品嚟，下次去一定要再試，我另外一個friend仲話嗰喥個老闆娘以前拍過戲喎，佢個女都有十幾*啦！......〈呵呵！對呢個女人冇咩興趣，所以其他嘢都唔係好記得啦！〉
- Oct 01 Mon 2007 06:17
Pomegranate
- Aug 30 Thu 2007 19:30
《Our wonderland》
尋日收工同班舊同事去食dinner，我哋去咗一間叫〝Our wonderland〞嘅restaurant，嗰喥好特別，我一出lift見到佢哋個門口仲以為去錯地方，因為佢哋個門口好似賣衫嘅store，完全唔似食嘢嘅地方，之後我就走番入lift再睇清楚自己係咪禁錯lift啦，依！又冇錯喎，跟住我決定再行入啲去睇吓啦，喔！原來轉個彎就見到有好多人喺喥食嘢，呢間restaurant除咗嘢食之外都仲有啲自己嘅商品俾食客買嘅，佢哋啲T-shirt圖案都幾得意架，我哋尋晚叫咗個四人餐，但係四個人都食唔曬，因為啲嘢食嘅份量都唔細，最後仲要打包潻，所以如果一大班朋友去食就最好啦，而且我覺得啲嘢食好好味，同埋我覺得嗰喥啲位好舒服，我哋一坐就三個幾鐘，如果唔係我電話響嘅話可能我哋會坐到十一、二點先走，而且嗰喥嘅service都唔錯，事原我哋幾個都抬高頭諗住睇吓呢間restaurant design啦，點不知有個waiter喺老遠走過嚟問：好咩可以幫到你？嘻嘻！我哋好於呀‧
- Apr 22 Sun 2007 11:20
《Chao Inn》
- Mar 28 Wed 2007 21:53
Alaska crab
- Jan 15 Mon 2007 07:19
Mos Burger
尋晚去咗觀塘嘅MOS burger喥食嘢，唔知係咪食得麥記啲burger多呢，我覺得MOS啲burger好味啲，除咗多汁、多料之外，出面個飽仲好軟潻！
不過要去嘅話最好擇平日去啦，因為我去過好多次都係人頭涌涌，排曬長龍，咁啱尋晚冇咩人先可以食到，之但係有兩款burger已經估清喇！
想知多啲資料，可以view以下website address：
【Egoism】 (4)
{{ article.title }}
