✿ The Sky of Little Cute ✿

噢！呢個送二迎三大行動就喺前兩日靜悄悄咁結束咗喇‧

今次我哋入住嘅〝Grand Emperor Hotel (英皇娛樂酒店)〞原來係三星級嚟，不過呢間真係有別於其他同級嘅酒店，佢嘅價錢係貴過四星潻架，係咪好奇怪呢？當初我都喺喥大叫有冇搞錯呀住三星酒店〈因為平時出外都係住慣五星級嘛〉，但係去喥門口之後心裡面不咁讚歎一句：好靚呀！而且大堂仲有金髮美女幫人擦鞋潻.

呢兩日我哋又去咗好多賭場〈諗諗吓，好似每次都唔例外〉，其中包括暫時係全球最大嘅威尼斯人賭場、仲有就係MGM喇‧我覺得MGM雖然唔算得上好大，不過佢入面有一個好似後花園咁嘅地方，入面盡係歐洲嘅建築，好靚架！而威尼斯人就唔洗講都知靚喇，不過靚得嚟我又冇嘩然嘅感覺喎，可能因為Macau實在太多靚嘅賭場喇，又或者係我睇得太多嘅關係呱，不過佢個賭場真係好大，大喥一望無際架‧去咗咁多次澳門，今次先發現原來澳門好多地方個門口都放咗隻大獅子喺喥，唔知咁多獅子邊隻惡啲呢？嘻嘻！

最後當然係你哋一定會問我嘅嘢喇：我今年收到嘅係Tiffany嘅頸鏈，多謝Tak Tak！

Grand Emperor Hotel

MGM

永利

威尼斯人