今朝食完早餐之後返公司，點不知喺公司樓下見到老板娘，呀 ~ ~ ~ 斷正！！！
因為已經九點幾啦，我返工係返九點嘅，唔係咁啱呀，一次就中，我心諗：死喇，用咩樣對住佢好呢？就喺呢個時候，我老板娘竟然對住我笑咪咪咁，呀 ~ 好彩，冇問我嘢，跟住我當然亦都對住佢笑吓啦‧好驚險呀，我最怕佢捉住我問長問短，應該都係我平時表現好所以逃過大難‧
(講笑)
(講笑).∞ღ.｡公告｡.ღ∞.
¨•.❤要常來看我呀~ 別忘記給我留言喔！❤.•¨
目前分類：❤ Speaking freely (83)
- Jan 16 Tue 2007 22:01
Breakfast
- Jan 15 Mon 2007 09:15
Gi Gi's blog
呵呵，俾我搵到Gi Gi個blog喇！
我知道好多Hong Kong人都唔鍾意佢，原因係覺得佢做咗人哋嘅第三者，而我就覺得佢好堅強、好有勇氣囉，起碼俾傳播界、市民、歌迷＆影迷罵到佢狗血淋頭嘅時候，佢都堅持唔轉行，用笑臉嚟面對每一個人，我相信喺嗰段時間，如果佢一個人行出街，分分鐘會俾人擲雞蛋或者番茄之類嘅嘢，但係佢嗰時都係堅持自己嘅決定計續向前行‧講真，Hong Kong咁多人又有幾多個人受得起呢種壓力呢？好多年輕人都因為一啲小事就話要生要死咁，佢哋袛係要面對身邊嘅人，而唔需要向全Hong Kong嘅人交代喎！另外就係第三者喇，呢個世界有好多人都做第三者，都拆散人哋嫁啦，我覺得最有問題嗰個就係鄭生喇，如果佢同邵小姐係打風都打唔甩嘅嘅話，Gi Gi點都拆唔散佢哋啦，鄭生如果唔貪新鮮嘅話依加都應該仲同緊邵小姐拍拖啦‧
各位Hong Kong人，每樣嘢都應該用唔同嘅角度去睇、去諗，知道未？
- Jan 01 Mon 2007 07:56
For my friends
Dear all my friends,
就嚟開始倒數啦，大家準備：ten, nine, eight, seven, six, five, four, three, two, one, zero
就嚟開始倒數啦，大家準備：ten, nine, eight, seven, six, five, four, three, two, one, zero
Happy new year!!!
- Dec 06 Wed 2006 09:27
Christmas
呵呵，嚟緊christmas終於有著落啦，唔洗擔心要過一個悶聖誕！
- Nov 20 Mon 2006 18:48
Couples clothing
我看見很多情侶也愛買一模一樣的衣服，二人穿上情侶裝在街上走，好像給他人知道對方是自己的，不要打追求對方的念頭，說實在的，若對方心中已沒有你的話，穿什麼也是起不了作用，如果大家是真心相愛跟本不需要其它的東西去襯托，雙方心有靈犀時也會不約而同穿上同款或相同顏色的衣服，那樣不是更高興嗎？其實祗要相處久了，很自然會近朱者赤近墨者黑的，大家的優點與缺點也會互相傳染，對方的一個小動作你也會銘記於心的‧其實我不是主張大家不買情侶裝，只是我覺得當大家都發現雙方不用說也心意相通時更開心吧了‧
- Nov 13 Mon 2006 09:12
Company travel
原來搵人一齊去旅行都幾難嫁，一係大家想去嘅地方唔一樣，一係大家嘅假期唔match up‧期實我公司都有annual travel，祗不過唔係全體colleague都去，原因係要喺company做over three years先可以有subsidies，所以今年travel只有小貓三四隻，而且要對足bosses七日，真係想死，因為佢哋好鍾意講啲無聊笑話，我都唔知smile or not, so I have not join with their, I hear from my colleagues said boss's mum want go to Europe, but the fee over company travel subsidies, ha今次都唔知去唔去得成！？
- Oct 24 Tue 2006 09:30
Self-reflection
啱啱睇完一本月刊，裡面有啲學生嘅手記，的確有啲感觸，一篇講：『人，總是營營役役地生活‧靜下來想想，到底是為了什麼？』我睇完之後真係好似如夢初醒咁諗究竟為咗咩呢？可能係錢或者幸福啦，但係死咗之後啲錢就唔可以帶落棺材，唯一就祗有幸福啦，但係係咪每個人都知道幸福嘅定義係咩呢，而嗰個學生就覺得幸福係：『一句問候，一份關心，會令人感動，是感到溫暖和充滿愛的‧』愛就係咁簡單，每個人都可以做得到，問題係我哋願唔願意去俾身邊嘅人幸福呢！而另一篇係講：喺車廂入面貼咗『給有需要的人讓座』嘅標語，其實每個香港人都有接受九年嘅免費教育，自小我哋都俾大人灌輸禮讓嘅知識，理應見到有需要幫助嘅人都會讓座，呢啲咁基本嘅嘢係咪仲需要提醒呢？我哋以前上德育課嘅知識去咗邊喥？試諗吓，我哋滿腹知識卻要好似小朋友咁日提夜提，真係荒謬！
- Oct 19 Thu 2006 18:02
On leave
上星期我請咗幾日假冇返工，但係估唔到原來全世界都知，包括Hong Kong office所有嘅staff啦，China嘅staff啦，連唔喺我office做嘢嘅人都知道，佢哋仲知道得好詳細，厲害！最重要就係我boss唔係香港都知道，佢仲sent email問候我，我返工之後有啲人同我講嗰幾日好忙，忙到分身不暇，有啲人同我講冇咗我就好似世界一片灰暗咁，一啲色彩都冇等等‧做咗咁多年我都未試過放大假，今次係因為屋企有事先放三日喱，點都估唔到會咁大陣像，如果office有出newspaper嘅話，我一定上頭條呀‧
另外就係我office啲人好鍾意問我lunch去邊到食飯啦、同咩人食飯啦，我越唔講佢哋就越想知，搞到我食lunch好似做賊咁，哈哈，感覺有啲似啲明星俾狗仔隊跟蹤‧
- Oct 12 Thu 2006 22:03
Injustice
原來呢個世界真係有好多嘢都好injustice嫁，無論你幾有理據都好，啲奸人都會得逞，我以前覺得大陸嘅高官因為貪污所以黑白不分，但其實香港嘅政府都一樣，佢哋亂搞人際關係而掩蓋真偽，有時我會懷疑有少數監獄嘅獄犯都係無辜嘅，唉！呢個世界點解係咁嘅呢？由古至今政壇都係黑暗嘅！
- Sep 22 Fri 2006 12:36
放飛機！
一個月前my best friend約我去睇舞台劇，而且仲叫我一定要記住嗰一日潻，當時我覺得佢好重視嗰日嘅約會，我有開心過，但係一個月之後，離睇舞台劇嘅前幾日佢先同我講話佢唔去得，叫我自己搵人去，原因係佢唔記得咗約咗我而且仲應允咗其他人去旅行，當時我好嬲(其實依嫁都係)，我覺得佢好自私，一啲都唔理我感受，佢約我先嫁嘛，就算真係唔記得，都唔可以就咁話走就走掉低我唔理嫁‧我有試過求佢唔好去，我話咩禮物都唔要只係想佢留低陪我，但係佢都唔肯，嗰一刻我真係好傷心，雖然呢次係一件小事，但係我覺得以後無論發生咩事，佢都一樣會掉低我唔理‧雖然佢去完旅行之後有送名貴禮物俾我，但係我一啲開心嘅感覺都冇‧
- Sep 21 Thu 2006 17:30
Too busy！
唉！就嚟做死我啦，公司啲嘢每日新款，做極都做唔完，自己啲嘢仲未解決到，有排煩呀 ~ ~ ~
我個心整日都喺喥諗“help me! help me!有邊個可以救我呀！”
- Sep 13 Wed 2006 21:32
Typhoon
今日返工嘅時候掛一號風球，係起床之後開電視先知，又打風又落雨，去火車站嘅途中當然好狼狽啦，點不知到咗火車站之後又聽到喇叭響話電纜發生問題，啲人又走唔到，搞到個火車站水洩不通，我足足遲咗成半個鐘先返到公司‧KCR真係要改善吓啦，我星期六收工已經試過一次同樣嘅事啦，好彩嗰次唔係返工喱‧
- Sep 05 Tue 2006 18:50
How to do?
對於一個無口齒同埋又無責任感嘅人，你哋會點做呢？
- Aug 30 Wed 2006 23:40
China staff
好辛苦呀，連續幾日都headeche呀，大陸啲人(同事)真係唔睇嘢嫁，做一樣嘢都要double幾次，我好多嘢做嫁嗎，全日服侍佢哋都唔掂呀，唉！！！
- Aug 30 Wed 2006 12:55
My boss
My boss終於去咗business trip啦，雖然佢哋唔喺喥係冇咁大壓力，之但係so busy呀，依嫁公司走咗好多人，boss唔請人不但止，仲將啲business嘅嘢交俾大陸做，其實咁都唔緊要，大家做嘢啫，無分China or Hong Kong嘅，但係佢哋(China staff)做嘢真係唔用腦嫁，一啲好簡單嘅嘢都要做幾日，double又double，錯完又錯，但係my boss唔會話佢哋嗰哦，佢祗會怪Hong Kong staff有問題，唉，做Hong Kong people真係越嚟越難‧
- Aug 28 Mon 2006 22:27
Unfair
最近公司好多同事離開，但係老闆又唔請新人，變咗好多嘢都係我做，每日返工就好似上戰場一樣，有時仲無啦啦食「死貓」呀，陰公！陰公！冇天理！！！
- Aug 28 Mon 2006 12:57
Friend
我認識一個朋友，佢好古怪，我唔知佢係咪有妄想症，佢整日話我同佢講過嘢，或者幫佢做過嘢，但係我肯定冇呢回事，自問都唔係一個記憶差嘅人，尤其係自己曾經講過或做過嘅事，一定會記得‧諗諗吓，又覺得好好笑，我又有一個朋友，我同佢講啲嘢佢永遠都係唔記得嘅，無論我用咩方法，佢都係冇改善‧唉！呢個世界就係有啲咁極端嘅人‧
- Aug 09 Wed 2006 13:01
Friends
真正嘅好朋友係點樣介定嘅呢？我到依嫁都唔係好分得清楚‧因為我真係有好多朋友，吃喝玩樂嘅、工作嘅、聽我吐苦水嘅...，但係每當我同佢哋friendly咗之後，佢哋有時俾我嘅感覺就係有啲愛理不理，我覺得好冇安全感，好似只可以遠觀，不可以接近咁，感覺有啲難受‧
- Jul 22 Sat 2006 13:09
Resignation of colleague
早在幾天前，我的同事用skype跟我說她要辭職了，聽後我的心情很down，眼淚在眼眶內滾動，這感覺很像小學畢業和我的死黨移民時一樣，不捨與難受，剎那間我覺得所有的幸福好像都要遠離我似的，我在這間公司工作了兩年多，其間認識到很多對我好好的同事，她們教我很多人生道理，令我的視野不斷曠大，從中我學到很多未曾接觸過的事物，在工作上她們不厭其煩的幫助我，平日我們有空會一起shopping或者去食buffet，我們要是知道其中一人在工作上出現問題，我們也會盡己所能去幫忙，她們不單成為我的好朋友而且也是我最好的戰友，我們朝日相對友誼有增沒有減，我們每天也有不同的話題，連老闆都說我們是la la land，其實我覺得她們每個人都很有才華，從工作上可以感覺到她們是有實力之人，相比起我，我要向她們討教的東西還有很多呢！我知道每個人都有自己不同的需求，當她們在這裡找不到自己想要的或者覺得這裡不適合自己時便會離開，最初有同事離開我祗是不捨，因為還有很多人與我在一起，但到了今時今日，我們的la la land要解散了，現時只得小貓幾隻，每天上班也提不起勁，以前因為有la la land所有的工作壓力，生活的不滿都可以忘記，而現在好像什麼也沖著自己而來似的，什麼也要自己去解決，我自知在逃避，la la land只是我的避風港，當我置身在其中，所有的不愉快都把它拋出腦外，這幾天白頭髮多了，頭痛也貧密了，真的不知往後的日子怎樣過好‧
- Jul 06 Thu 2006 13:33
Weight-reducing
我公司嚟咗個新同事，佢身材好fit嫁，喺我哋一問之下，原來佢係學dance嘅，佢話學dance係減肥最好嘅方法，因為條腰要扭得好厲害哦‧
【Egoism】 (4)
{{ article.title }}
