《Lok Ma Chau》－✿ The Sky of Little Cute ✿

尋日同Little B去咗落馬洲玩，依加好彩返大陸好方便，由我屋企坐巴士再轉火車就到，唔似我哋細個嗰陣跟屋企人返咁辛苦，我哋成十一點先出發，去到仲可以食lunch潻，之前我好擔心Sunday返大陸會超多人，不過去到之後竟然發現嗰喥係冇咩人，同我平時去羅湖啱啱好相反，我最怕返大陸搭巴士，因為喺嗰喥搭巴士要同人爭上車，佢哋唔會好似香港人咁識得排隊，如果上咗車之後又冇位坐就更加慘啦，因為嗰喥啲巴士搖得好勁，我整日都企唔搵，而且遇著隔離嗰個人個身一陣味仲死多幾錢重，因為我一聞就會暈，所以冬天去會好好多，今次知道落馬洲都有地鐵好開心呀，除咗非常方便之外又唔會發生以上嘅事情‧我哋尋日去咗〝蓮花山公園〞，嗰喥好大呀，比較我住嗰區新起嘅公園仲要大啲，嗰喥有好大好大嘅草原，啲草好柔軟，好多人喺嗰喥放風箏同休息，而喺草原則邊就有好幾塊石雕，佢哋雕刻一啲人物或動物出嚟介紹石碑下面嘅四字成語，我覺得幾有教育意義，相比起香港就冇咁多呢啲嘢啦，我哋行咗一陣就上山頂啦，上山嘅唯一途徑就係行石梯，嗰喥冇電梯或纜車，對於長期喺香港生活嘅我嚟講，係一個唔錯嘅運動機會，雖然行上山的確好辛苦，不過亦係一個可以俾我出吓汗嘅好時機，但係上山途中都幾恐怖，唔係因為樹林陰深，而係一路行，樹上面嘅毛毛蟲會不斷掉落嚟，結果一地都係毛毛蟲同蚯蚓，有啲人行到哭咁落番山，有啲人又一路行一路叫，不過我哋好厲害呀，一口氣咁行上山頂，山頂起咗一個好似眺望台咁嘅嘢，中間有一個好高嘅孫中山雕刻像，喺嗰喥可以睇曬全個落馬洲嘅景色，離開〝蓮花山公園〞我哋去咗觀鳥，之後就搭番火車返香港啦‧

夜晚我哋去咗“札幌”喥食dinner，喺我哋差唔多食完嘅時候，有個女waiter走嚟收嘢，佢攞起我用完嘅碗問：係咪唔要架啦？我當然答佢話係啦‧之後佢唔知做咩鬼，將我個碗放咗落Little B碗飯裡面，打算一齊收走，我望住佢話呢碗飯咪食完架喎，跟住佢竟然將我個碗攞番出嚟，我心諗：你唔係諗住叫Little B繼續吃呢碗飯係嘛？跟住我同佢講話：呢碗飯唔要啦，然後佢先識同我say sorry，我都唔知佢返工係咪遊魂，尤其做食市點可以咁唔講衛生架？！