星期六有節目，就係去咗Disneyland玩啦！但係有悲又有喜喎！點解？悲就係放咗半日假之後，今日番公司多嘢做到死，啲email一個上午都未睇得完；喜就係今次去Disney係唔洗錢架，呵呵呵呵 ~ ~ ~
不過香港嘅Disneyland點解咁細嘅？幾個鐘就已經行完成個Disneyland啦！〈當然唔計玩機動遊戲啦，因為機動遊戲嗰條人龍都唔知轉咗幾多個圈〉而且我更加唔明點解之前仲會有啲人因為冇飛而冒險爬入去？！
Disney最吸引我嘅應該係〝米奇夢想世界〞啦，因為喺入面帶住幅3D眼鏡睇戲，感覺好真實呀，一路睇一路會有食物嘅香味啦、坐飛毯時發出嘅風啦，好多寶石呀、食物呀、卡通人物呀......全部都好似真咁樣掉埋嚟〈觀眾最大反應就係見到啲寶石，佢哋個個都手舞足蹈想去攞，哈哈！佢哋個心一定係諗緊錢呀、錢呀！〉，全場人仲俾啲可樂整濕身潻〈嘻嘻！其實嗰啲係水嚟架喳！〉但係我哋今次最遺憾就係玩唔到〝飛超太空山〞啦，嗚嗚嗚 ~ ~ ~
全站熱搜
留言列表
【Egoism】 (4)
{{ article.title }}
