close
今朝返工,一個即將離我哋而去嘅同事突然同我講: 我嚟咗咁耐整日都見到你笑, 好似冇煩惱咁嘅. 唉! 其實又點會呢, 我屋企啦...工作啦...友情呀...愛情呀...都有唔開心架, 不過我唔會將佢放喺塊面喥, 因為我嘅問題其他人又解決唔到嘅, 咁做咩要搞到其他人都為我擔心呢? 近呢幾年遇到過唔少嘅人, 亦都發生過唔少嘅事情, 令我對好多世事嘅嘢都睇化曬. 一啲同我好親近嘅人原來係最令我痛心嘅, 而另一啲非親非故嘅人或者係一啲見過數次嘅人反而對我好似手足咁, 我哋相處嘅日子雖然短, 不過真係好開心, 我同佢哋一齊可以去到忘我嘅景界, 重拾已快唯失嘅歡樂.
全站熱搜
留言列表
【Egoism】 (4)
{{ article.title }}
