close
哈哈！去咗睇《Step UP》喇，用積分換咗兩張戲飛，所以唔洗錢‧套戲好掂呀，可能因為自己鍾意dance嘅關係，所以覺得好睇啦，不過套戲應該可以做得更加好嘅，我嫌dance嘅環節不夠多，有啲未夠喉嘅感覺‧睇完戲之後我個friend仲扮跳舞，雖然佢嘅跳躍力好好，但係佢跳得好滑稽，笑死人‧其實dance真係好好玩，雖然學跳嘅時候好辛苦，但係當你能夠做到你想跳嘅效果，嗰種成功感足以令到我開心成日，當然有時會力不從心啦，記得我早期學dance嘅時候，明明已經掌握到跳嘅技巧，但係望住塊鏡裡面嘅自己就梗係跳得唔理想，我不斷咁同自己講我一定得嘅，可惜到放學嘅時候都未成功咁跳到，直至上咗bus終於忍唔住喊咗出嚟，當時仲覺得自己好冇用潻‧講真呀，學dance除咗可以減肥之外，其實仲可以減壓嫁，當我完全投入去跳嘅時候，我會忘記曬唔開心嘅嘢，到跳完之後已經好倦啦，而且好想瞓覺，到咗呢個地步仲邊喥得閒諗嘢呀，搵周公好過啦！
全站熱搜
留言列表
【Egoism】 (4)
{{ article.title }}
