close
尋日終於睇得成《Wonder women》啦，其實套戲上咗畫好耐，直至尋日先抽到時間去睇‧
我覺得呢套戲好好睇呀，唔係因為有Gi Gi嘅關係，而係套戲啲劇情真係好似香港嘅女人咁，好本事能夠一個人擔當唔同嘅角色，而喺每個角色裡面都希望自己可以做到最好，不過套戲入面嘅Gi Gi真係好慘，佢老公死咗之後，個仔跟住又死咗，最後連自己嘅青梅竹馬都死埋仲要份工因為利益關係俾人栽咗出嚟，但係又要好堅強咁面對將來‧
喺現實每個女人每日都喺唔同嘅時間要用唔同嘅身份出現：工作上要做個能幹嘅員工；返屋企要做個賢妻良母、孝順女......雖然好多男人都覺得香港嘅女人冇咩優點，包括唔夠溫柔、唔夠身材好、唔夠嫵媚......不過我就覺得喺香港做女人非常辛苦，事無大小都要自己去理，除咗一人分演幾個唔同嘅身份之餘，有時仲要連男人嘅角色都做埋，試問有邊喥地方嘅女人會好似香港女人咁願意拋頭露面架，每日嘅生活都咁大壓力仲邊可以好似其他地方嘅女人咁呢？希望香港嘅男人細心去諗吓同睇量啦，唔好覺得花永遠都係人哋嘅好，要珍惜身邊嘅人呀，唔好冇咗先嚟後悔呀！
以下係呢套戲嘅website，有興趣就入去睇吓啦：
全站熱搜
留言列表
【Egoism】 (4)
{{ article.title }}
