今日睇咗一套落咗畫好耐嘅電影《藉著雨點說愛你》，之前已經有好多人話過呢套戲好好睇，但係因為我當時覺得個男主角唔夠靚仔，所以就冇去睇啦，點不知前幾日去個朋友屋企見佢買咗呢隻VCD，之後就借咗嚟睇啦！不過眼淺嘅我睇完之後又哭咗一大餐，嘻嘻！冇辦法啦，真係好感人嘛！
其實套戲嘅內容係講有個男人自妻子死後，就同佢個仔相依為命，佢個妻子臨死前承諾過：「漫天雨灑時，愛可以重來」，之後嗰個男人就不捨不棄咁等奇蹟嘅出現，終於俾佢等到啦，就喺雨季來臨嘅時候出現咗一個同佢妻子一模一樣嘅女子，但係嗰個女子竟然冇任何記憶，不過嗰個男人同佢個仔都冇嫌棄佢，而且仲歡迎佢加入佢哋嘅家庭，成為家庭嘅一份子潻，可惜美好嘅時光好快咁就過去咗，雨季又再結束啦，而嗰個女子亦隨之而離去，雖然嗰個男人同佢個仔都要接受多一次嘅分離，不過佢哋都覺得係無憾嘅！
全站熱搜
留言列表
【Egoism】 (4)
{{ article.title }}
