close
尋晚去咗睇郭富城演唱會，足足睇咗三個半鐘，好勁呀！有咩咁勁？眾所周知佢係跳舞出身，尋晚當然唔少得跳勁舞呢一part啦！而我都係因為想睇跳舞而去嘅，佢跳舞真係好掂，比較起其他歌星簡直係垃圾，演唱會我去過無數次，見到啲歌星跳舞一係好似冇食飯咁，一係就好似機械人咁，跳起上嚟一啲美感都冇，有時我寧願佢哋齊唱歌好過‧尋晚表演期間雖然發生咗啲音響問題，但係始終冇影響到歌迷嘅情緒，喺呢三個半鐘入面，啲歌迷全程反應非常熱烈，係整個演唱會都冇嘉賓，郭富城由頭唱到落尾，而且個舞台好特別，喺我睇咁多次演唱會最靚嘅一個台，佢個台可以升降、可以三百六十度轉動、可以兩邊分開、啲dancer仲可以喺入面跳舞潻，佢真係講得冇錯：要將紅館反轉！不過其實我覺得佢好辛苦，因為跳舞已經夠熱架啦，佢仲要著住件會著燈嘅舞衣，仲要係個好似燈箱咁嘅舞台入面跳舞，佢冇焗暈已經好好彩架啦！今次演唱會最特別就係尾場部份，因為佢哋竟然喺紅館喥放水，仲要喺啲水上面跳舞，搞到啲前排啲歌迷個個都要著雨衣，不過我覺得佢哋係唔介意嘅！其實每個演唱會都有握手嘅部份，而尋晚呢個部份出奇咁早係有原因嘅，因為後面嘅節目會更加精彩，佢整個演唱會模式都出人意外，跟本完全唔會諗得到佢下一part會做啲咩表演，而其他演唱會就好似我哋去飲咁，下一碟上嘅係咩餸我哋都會仲到，雖然呢個演唱會少咗an call嘅部份，但係我相信在場嘅所有人都睇得好盡興，如果冇買飛去睇就不防去買隻演唱會CD or DVD返屋企睇都唔錯，因為隻碟都有收藏價值嘅！
全站熱搜
留言列表
【Egoism】 (4)
{{ article.title }}
