✿ The Sky of Little Cute ✿

尋日返學阿sir嚟唔到，所以就轉咗個miss教我哋，佢個名叫Cyan，佢跳舞除咗有型之外仲好S型嫁，我鍾意佢教我哋多啲，因為佢會矯正我哋嘅舞姿，而阿sir就唔會啦！

唔知點解我尋日好努力咁跳，但係身體好似唔聽使喚咁，跳嚟跳去都跳唔到嗰種型嘅感覺出嚟，我望住块鏡入面嘅自己好"炆熷"，我好唔開心，我覺得人哋跳到自己都應該跳到‧到咗放學之後，我一上巴士就忍唔住喊咗出嚟，當時我諗係咪應該放棄呢？跳舞可能唔適合我，但係心底又有啲唔甘心，我覺得我會做得到，以前考試成績唔好我都冇喊過，我都唔知點解今次會喊，感覺有啲怪怪哋！

7月3號係我第一日返學，心情好興奮，收咗工之後行過斜對面就係dance school啦‧教我哋嗰個阿sir係E02嘅其中一位成員Eric，佢跳舞嘅動作好柔軟，相比之下我哋大部份人都跳得硬碰硬咁‧

其實睇人哋跳舞覺得好容易，但真係輪到自己跳嘅時候先發覺好難，好多動作都因為跳得快而睇唔到，但係如果跳舞嘅時候少咗一個舞步就會好難睇嫁啦！同埋跳舞嘅時候條腰要不停扭，又要拉筋又要做sit up（高難道動作，唔係平時我哋做嗰啲），好鬼辛苦嫁，我條腰足足痛咗兩日呀‧我依加領悟到我個同事講嘅嘢啦！  

聽完同事講之後，我個腦就整日都諗住dance，其實喺我細個嘅時候已經好想學dance嫁啦，但係我屋企人唔俾，佢哋怕我掛住dance唔將啲書讀好‧有日我忽然諗起company附近有間dance school，我好早之前已經發現咗佢嘅存在，但係我唔make sure佢哋會收我，而且嗰間dance company要上樓嫁，所以我一直都冇上過去，直至上個月因為好奇心的軀使，所以就上咗去啦！

去到之後好似發現新大陸一樣，我好enjoy嗰種感覺，嗰喥有令人興奮嘅music，而且每個人都好專心咁dance，喺嗰喥我可以完全投入去欣賞dance show，而且有種與世隔絕嘅感覺，我可以暫時放低所有嘅煩惱，此也不失為一個減壓嘅好方法，就係因為咁樣我就報咗名啦！