✿ The Sky of Little Cute ✿

今個Easter holiday我同屋企人去咗番禺嘅「香江野生動物世界」，今次終於去得成喇，因為我哋好耐之前已經有呢個plan架喇，但每次去之前Little B就病咗，所以最後都係去唔成‧雖然嗰日落咗成日雨，依然都冇減我哋想去嘅心情‧朝早出發嘅時候都好擔心「動物世界」會唔會冇人去呢？好彩去到之後見到嘅比我哋預期嘅好，個個都擔曬喱著曬雨嬲咁，完全冇受天氣嘅影響〈可能大部份都係Hong Kong peoples嘅關係啦！〉

今次真係好開心呀，我有機會見到北極熊呀，嘻嘻！感覺有啲似上次去台灣見到企鵝一樣‧仲有就係見到white tiger啦〈好似比golder tiger靚啲咁嘅〉、Bear啦〈佢哋個樣笨笨哋，好得意架〉、鷹啦〈嘩！真係好鬼大隻架〉、金獅猴啦〈聽講話係猴界中最靚架喎〉、樹熊啦〈佢哋好似有階級之分咁：好可憐架！喺屋外嗰啲就俾雨淋到卷埋好似個波咁；而屋入面嗰啲就好活潑可愛〉，仲有Rhea都係一樣，俾雨淋完個樣好可怕，今次都係第一次見到白袋鼠，佢哋個樣好似老鼠變大咗嘅版本，唔......都係有啲驚，當然仲有就係我哋嘅國寶啦〈不過我覺得出國總比在國內好，睇到Ocean Park嘅panda係黑白分明嘅；相反「香江野生動物世界」嘅panda係灰黑色就知道〉‧「動物世界」入面有無鬼火車俾遊客近距離見到啲動物嘅，我哋架火車行緊嘅時候有啲動物仲同我哋*快潻，好搞笑呀！而另外都有俾遊客同動物接觸嘅地方，我見到好多小朋友都爭住要同的動物影相，好似啲年青人追捧明星咁‧而我最愛就係「動物幼兒園」，裡面全部都住咗啲動物BB喺喥，佢哋個樣超級得意架！

今次我哋喺廣州就去咗一間叫「陶陶居」嘅酒樓飲茶，啲流沙奶黃飽好好味架！嘻嘻！另外仲有一間都係值得推介嘅，呢間就係深圳嘅「東門唐宮海鮮舫」喇，如果去開不妨試吓啦！

呢個係「香江野生動物世界」嘅website，有興趣就入去睇吓喇！

www.xjzoo.com.cn