公司有個女仔，我講咗啲嘢俾佢知，佢竟然唔洗五分鐘就傳遍全公司，唉！認真口疏，好彩我同佢講嗰啲唔係私穩喱，如果唔係就死啦！不過話時話，呢間公司有啲人超八掛，咩都要人話佢知，而且好鍾意聽人講電話，人哋收線之後又問嗰個係邊個，呀！關佢鬼事咩，講佢又唔識；另外有啲人又好鍾意御膊同點人做嘢架喎，做親咩都話唔係佢，與佢無關，但係佢又點你去做個喎，等傳到去老闆喥先至肯認；最後就係啲*傻扮慒嘅人，問親佢嘢佢只係同你講佢唔識，有時仲話聽唔明我講咩潻，哈哈！佢係中國人，我同佢講中文啵，唔係其他語言喎，真係丁呢啲人唔順，大家同坐一條船，做咩要咁喱？都咁大個人啦，仲喺喥扮嘢，唔通扮嘢就唔洗做咩？低能！！！
全站熱搜
留言列表
【Egoism】 (4)
{{ article.title }}
