上星期襯冇人車我返屋企咁就自己去咗剪頭髮啦，唔知係咪好耐冇試過剪〝留海〞呢？好似自己都唔係好睇得慣個髮型，於是就每日都要起身吹頭同化咗妝先可以出門口，因為老闆連續幾日都唔係香港，直到尋日先至返公司，佢一見到我就好大聲咁話：好靚呀......〈總之講咗好多次啦！〉之後我同佢同一架lift，佢又同我講：你唔好覺得唔好意思呀，我真心讚你靚架，你唔洗怕羞喎！〈當時唔知講咩好，只識傻笑，心諗：點解某人見咗我咁多日都冇讚過一句嘅？！〉唉！每次我返工著得比較lady啲同化吓妝佢就好大反應架啦，我覺得佢太過張揚啦， 唔使咁大聲啦，講一次未夠囉，我收到架啦，雖然開心但係又有啲怕，你哋知啦，多女人嘅地方就好多是非，尤其有啲女人好鍾意妒忌人，唔知係咪因為讀中學嘅時候太多女仔妒忌我嘅關係呢〈其實依加諗番覺得佢哋好無聊，佢哋妒忌我好多朋友幫、妒忌我多男仔追、妒忌我男朋友咁好條件點解會鍾意我......嗰時我做咗好多嘢去討好佢哋，到頭嚟竟然俾自己信任嘅朋友出賣〉，所以令我覺得當一夥人一齊做嘢，而裡面有好多都妒忌你嘅話，就算點樣同人打成一片都係徒然，因為佢哋唔會去欣賞你努力所得‧
全站熱搜
留言列表
【Egoism】 (4)
{{ article.title }}
