✿ The Sky of Little Cute ✿

有次我哋去元朗，途中經過〝Kadoorie Farm & Botanic Garden〞，之後有好幾次都打算入去參觀，可惜因為落雨關係去唔成‧直到五月一號星期四終於可以去啦，等咗好耐喇！其實未去之前已經上過佢哋嘅website睇過，喺地圖上面睇到嘅面積都好大吓架，但係實際一日就已經可以行曬架喇‧可能因為佢起喺個山上面嘅關係啦，大部份嘅路都係斜坡，好彩途中有啲動植物睇，所以比較起平時行山舒服好多‧我覺得自己都係坐得office太多，好耐冇做運動嘅關係，行上斜坡冇耐就上氣唔接下氣咁，比起以前真係相差太遠喇！講返〝Kadoorie Farm & Botanic Garden〞呀，佢哋種嘅植物全部都係有機植物嚟，有啲好靚個樣好特別，連我自己都未見過，至於喺嗰喥住嘅動物，好多都係因為年長、有缺憾同埋被人遺棄嘅，雖然係咁樣，但係佢哋表面同其他正常嘅動物無異架喎‧每個供遊客參觀嘅地方都有紀念品賣嘅，而我哋今次就買咗一盆植物，個名叫〝一串心〞，佢啲葉好得意架，全部都係心型嚟‧

www.kfbg.org.hk

呢個係佢哋個website，有興趣就click入去睇吓喇！